পাণধোৱা উচ্চ মাধ্যমিক বিদ্যালয়ৰ উদ্যোগত বৃহৎ সজাগতা শোভাযাত্ৰা

ষ্টাফ ৰিপৰ্টাৰ, উত্তৰ লখিমপুৰ,১২ আগষ্ট: দেশে স্বাধীনতাৰ ৭৫ তম বৰ্ষত ভৰি দিয়াৰ উপলক্ষ্যে দেশবাসীয়ে পালন কৰিছে আজাদী কা অমৃত মহোৎসৱ। এই আজাদী কা অমৃত মহোৎসৱৰ লগত সংগতি ৰাখি আজি লখিমপুৰ জিলাৰ পানধোৱা উচ্চ মাধ্যমিক বিদ্যালয়ৰ ছাত্ৰ-ছাত্ৰী, শিক্ষক তথা অভিভাৱক সকলে বিদ্যালয়ৰ পৰা উলিওৱা "ঘৰে ঘৰে ত্ৰিৰংগা" সজাগতা শোভাযাত্ৰা বিদ্যালয়ৰপৰা আৰম্ভ হৈ গড়ছিগা হৈ পুনৰ বিদ্যালয়লৈ আহি সামৰণি পৰে। এই বৃহৎ শোভাযাত্ৰাটোৰ শুভ উদ্বোধন কৰে ছাদিকুল ইছলামে । স্থানীয় বিশিষ্ট ব্যক্তি জিহিৰুল ইছলামৰ লগতে পানধোৱা গাওঁৰ ৰাইজে শোভাযাত্ৰাত অংশগ্ৰহণ কৰি শোভাযাত্ৰাটো সফল হোৱাত সহায়-সহযোগিতা আগবঢ়ায় । পানধোৱা উচ্চ মাধ্যমিক বিদ্যালয়ৰ প্ৰধান শিক্ষক আব্দুল মালিকসহ অঞ্চলটোৰ অন্য বহু বিশিষ্ট গন্য-মান্য ব্যক্তিয়ে শোভাযাত্ৰাত অংশগ্ৰহণ কৰে।